एस्ट्रोसेज कुंडली एंड्रॉयड ऍप
mesh rashi ke jatak prayah veer, kuchh krodhi aur sakriy hote hain. aise log aage badhakar kary karate hain aur suruchipoorn chijon men samay wyatit karate hain. Rashifal 2015 ke anusar mesh rashi ke jatakon ke liye sal 2015 achchha kaha ja sakata hai. warsh ka pratham bhag pariwarik jiwan aur gharelu mamalon par kendrit rah sakata hai, wahin sal ka doosara hissa bachchon aur apane hiton ke ird-gird ghoomega. pariwartan ya kisi naye kam ko aarambh karane ki drshti se yah warsh kafi behatar hai. is sal kariar men kuchh badalaw ke bhi sanket dikh rahe hain.
Vrushabh rashi ke jatak aatmanirbhar hote hain w unaka khud par achchha niyantran hota hai. we swapnalok ki sair men nirat rahate hain aur kala-premi hote hain. yadi we kuchh yojana banate hain, to use we kriyanwit karate hain. halanki Vrushabh rashi ke logon ko bahut achchha shrota nahin kaha ja sakata hai. prakhar medha ke swami Vrushabh ke jatak apane hi niyam-kayadon ka palan karate hain. warsh 2015 Vrushabh rashi ke jatakon ke liye mila-jula fal dene wala hai. 2015 Rashifal ke mutabik sal ke prathamardh men dhairy ke sath sharirik taur par kathin parishram karana pad sakata hai. safalata ke liye athak lagan is sal jaroori hai. sal ka uttarardh proparti aur chal sampatti ke lihaj se mahatwapoorn rahega.
mithun rashi ke jatak aklamanda, hasy-premi, sushil aur tej dimag ke hote hain. isake atirikt we sanpreshan men nipun aur bhasha par achchhi pakad rakhane wale hote hain. Rashifal 2015 ke anusar is warsh aapako apane man par niyantran rakhane ki aawashyakata hai. yah sal shuruaat men kariar ke liye achchhe mauke lekar aayega. sal ka pahala hissa jiwan-sathi aur ghar-pariwar ke ird-gird ghoomata rahega. warsh ke doosare bhag men yatra ka yog hai. sath hi aapako kadi mehanat bhi karani pad sakati hai, jo aapako aarthik taur par fayada degi.
is sal aapaki soch buddhimatta, antardrshti, gaharaee aur kalpanashilata se paripoorn rahegi. mumakin hai ki aap kary men adhik lage rahen. naye wicharon ke liye aap khula dimag rakhenge aur treding w nirman ke kshetr men kafi tarakki karenge. yadi aap bhautik sukh-suwidha men wrddhi chahate hain, to aapako har kadam soch-samajh kar uthane ki jaroorat hai. aapaka rujhan nyayapriyata aur safagoee ki or rahega. sal ki shuruaat aarthik labh se hone ki poori sanbhawana hai. sal ke aaranbh men bachchon par dhyan kendrit rahega. sath hi kariar men pariwartan ke bhi yog hain. door-daraj ki yatra bhi mumakin hai.
jangal ke raja sher ki hi tarah sinh rashi ke jatakon men garw ka bhaw rahata hai tatha we adhik shakti ke aakankshi hote hain. we kisi bhi halat men khud ko dhal sakate hain. tejaswi swabhaw se paripooran aise jatak apani soch par poora bharosa rakhate hain aur we achchhe pathak hote hain. yadi koee chij unhen dard pahunchaye, to we use kabhi nahin bhoolate hain. Rashifal 2015 ke mutabik yah sal kuchh mushkilen lekar aa sakata hai. halanki antatah aapako safalata aur kshatipurti ka labh milega, agar aap hausala banaye rakhen to. kharchon men kafi ijafa ho sakata hai, manasik ashanti aapako pareshan kar sakati hai aur sal ke pahale bhag men bachaini aapako gherane ki koshish karegi. 2015 ke doosare bhag men aapake yash men wrddhi hogi w lanbi doori ki yatrayen bhi sambhaw hain.
kanya rashi ke jatak kabhi-kabhi rookha rawaiya jahir kar sakate hain. jab rupaye-paise ki bat aati hai, to we kafi guna-bhag karate hain. kanya rashi ke logon ki smrti tikshn hoti hai tatha sandeh karane ka swabhaw hota hai. sangita, kala, sahity aadi men inaki wishesh dilachaspi hoti hai. 2015 inake liye mile-jule fal lekar aayega. sal ke pahale bhag men aap santati aur aarthik labh ke bare men adhik dhyan kendrit karenge. wahin sal ke doosare bhag men pariwar aur chikitsa aadi ko lekar kafi kharcha ho sakata hai. atah is mamale men sawadhani apekshit hai.
tula rashi ke jatak doosaron ke karyon ka badi gaharaee se wishleshan karate hain; sath hi we khud ko lekar thoda jyada sochate hain. wishwas aur eemanadari unhen priy hoti hai. 2015 men tula rashi ke log mahatwakanksha se paripoorna, aadarshawadi, tej dimag aur aalochana-priy rahenge. mote taur par yah ek achchha sal rahane wala hai. sal ke pahale bhag men adhik ekagrata ki aawashyakata hogi aur aapako kariar ko lekar jyada sanjidagi dikhane ki jaroorat padegi. is dauran aap jamina, gharelu samana, wahan aadi bhi kharid sakate hain. sal ke uttarardh men padonnati aur aarthik labh apekshakrt saralata se prapt ho sakata hai.
wrshchik rashi ke jatak lekhan-priya, sanwegi w rasik swabhaw hote hain, kintu is warsh we apani wrttiyon par niyantran bhi rakhenge. is warsh prachy widyaon men ruchi gahara sakati hai. halanki log unhen shushk samajh sakate hain, lekin we pratiyogita-pasand hote hain. kabhi-kabhi sanshay ki sthiti aapake samaksh aa sakati hai, lekin sanyam rakhate huye gusse par kabu karana behad jaroori hai. sal ke pahale hisse men pariwar men wrddhi ki bhi sambhawana hai. halanki warsh ka doosara hissa kariar ke ird-gird ghoomega. 2015 men jiwan men koee bada badalaw bhi mumakin hai.
dhanu rashi ke jatak sakriya, satat udyami, dharmik aur darshanik swabhaw ke hote hain. we bhagawan men wishwas rakhate hain aur jaMeen se jude hote hain. kabhi-kabhi bolane men soch ka abhaw doosaron men galatafahami paida kar sakata hai. aapako takat ke jariye niyantrit nahin kiya ja sakata hai. sal ke pahale bhag men swasthy par wishesh dhyan dene ki aawashyakata hai aur chikitsa se jude mamalon men kafi kharch bhi sambhaw hai. halanki, warsh ke doosare bhag men badon ke aashirwad se pareshaniyon men khasi kami aayegi.
aap dharmika, drdh ichchhashakti ke malika, kalapooran aur manasik roop se majaboot hain. halanki aap dil ke achchhe hain lekin jihwa par niyantran aapake liye bahut aawashyak hai, anyatha aap apana nukasan kar baithenge. aapako apana aatmawishwas banaye rakhane ki jaroorat hai. 2015 men aapako mishrit fal prapt hoga. sal ki shuruaat men wyawasay aur dhanarjan par aapaka jor rahega. sal ka doosara bhag thode kathin halat lekar aa sakata hai, jaroorat hai to bas dhairy banaye rakhane ki. lambi doori ki yatraon ka yog bhi ban raha hai.
kumbh rashi ke jatakon men prabandhan ki achchhi kshamata hoti hai. we udaramana aur karun swabhaw ke hote hain. aap kuchh antarmukhi ho sakate hain, lekin aapaki smrti adbhut rahegi. darshan men aapaka rujhan badh sakata hai. sath hi is warsh aapako kathin parishram bhi karana pad sakata hai. sal ke pahale bhag men kafi mukadamebaji sanbhaw hai, isaliye sawadhan rahen. warsh ke doosare bhag men pariwarik mamalon ya jaMeen ko lekar wiwad ki sthiti aasani se hal ho sakati hai - yah bat dhyan men rakhen.
pratyek wastu ko lekar aap ek wishesh ray rakhate hain. halanki is warsh aapako apani poorwanirdharit dharanaon ko darakinar kar doosare ki bat gaur se sunane par adhik dhyan dena chahiye. sal ke pahale hisse men aapako swasthy sanbandhi pareshaniyon se jujhana pad sakata hai; atah khan-pan men sanyam baraten aur niyamit wyayam karen. warsh ke uttarardh men jiwan-sathi ki adhik mangen aapako kuchh bechain kar sakati hain. isaliye taish men aakar kuchh kah baithane se achchha hai ki aap unhen shant dimag se samajhayen.
Vijay Goel
